Canzone napoletana — Dicitencello vuje

[Testo di "Dicitencello vuje"] [Strofa 1] Dicitencello a 'sta cumpagna vosta Ch'aggio perduto 'o suonno e 'a fantasia Ch'a penzo sempe Ch'è tutta vita mia E je nn'ce 'o vvulesse dicere Ma nun ce 'o ssaccio dì [Ritornello 1] 'A voglio bene 'A voglio bene assaje Dicitencello vuje Ca je nun m''a scordo maje È na passione Cchiù forte 'e na catena Ca me turmenta l'anema E nun me fa campà [Strofa 2] Dicitencello ch'è na rosa 'e maggio Ch'è assaje cchiù bella 'e na jurnata 'e sole Da 'a vocca soja Chiù fresca d''e viole Je già vulesse sentere Ch'è 'nnammurata 'e me [Ritornello 1] 'A voglio bene 'A voglio bene assaje Dicitencello vuje Ca nun m''a scordo maje È na passione Cchiù forte 'e na catena Ca me turmenta l'anema E nun me fa campà [Strofa 3] Na lacrema lucente v'è caduta Diciteme nu poco, a che penzate? Cu 'st'uocchie doce Vuje sola me guardate Levammoce 'sta maschera Dicimmo 'a verità [Ritornello 2] Te voglio bene Te voglio bene assaje Sî tu chesta catena Ca nun se spezza maje Suonno gentile Suspiro mio carnale Te cerco comm'a ll'aria Te voglio pe campà