Ernesto Tagliaferri — Canzona a Capri

Alba e tramonto a Capri Che fantasia d'ammore! Ccà ll'aria è sempe chiara E nun cunosce sera 'E ccase, 'o cielo e 'o mare Sò tutte 'e 'nu culore E quanno è vierno pare Ca è sempe primmavera Isola azzurra, pittata 'e sole Suspiro d'angelo, caduto 'a cielo Tu sì 'na connola dint'a 'nu velo Sì 'na canzona senza pparole Serenatella a Capri Duorme 'na vela a mare Ma 'n'anema suspira Dint' 'o silenzio d'oro È 'a musica e 'a pittura 'Sta lacrema d'ammore Ca ffa cchiù triste e chiare Ll'uocchie 'e 'na furastiera Isola azzurra, pittata 'e sole Suspiro d'angelo, caduto 'a cielo Tu sì 'na connola dint'a 'nu velo Sì 'na canzona senza pparole