Hap and rowe, hap and rowe
Hap and rowe the feetie o't;
I thocht I was a maiden fair
Till I heard the greetie o't
My daddie was a fiddler fine
My minnie she made a mankie-o
And I myself a thumpin' quean
Wha danced the reel o' Stumpie-o
The gossip cup, the gossip cup
The kimmer clash and caudle-o
The glowing moon, the wanton loon
The cutty stool and cradle-o
Douce dames maun hae their bairntive borne
Sae dinna glower sae glumpie-o;
Birds love the morn and craws love corn
And maids the reel of Stumpie-o
Hap and rowe, hap and rowe
Hap and rowe the feetie o't
I thocht I was a maiden fair
Till I heard the greetie o't
Other Ewan MacColl songs:
all Ewan MacColl songs all songs from 1961