Fabrizio De Andr — A Dumenega

[Verse 1] Quandu ä duménega fan u gíu Cappellin neuvu neuvu u vestiu Cu ‘a madama a madama ‘n testa O belín che festa o belín che festa A tûtti apreuvu ä prucessiún D’a Teresin-a du Teresún Tûtti a miâ ë figge du diàu Che belín de lou che belín de lou [Verse 2] E a stu luciâ de cheusce e de tettín Ghe fan u sciätu anche i ciû piccín Mama mama damme ë palanche Veuggiu anâ a casín veuggiu anâ a casín E ciû s’addentran inta cittæ Ciû euggi e vuxi ghe dan deré Ghe dixan quellu che nu peúan dî De zeùggia sabbu e de lûnedì [Chorus] A Ciamberlin sûssa belín Ä Fuxe cheusce de sciaccanuxe In Caignàn musse de tersa man E in Puntexellu ghe mustran l’öxellu [Verse 3] E u direttú du portu c’u ghe vedde l’ou ‘nte quelle scciappe a reposu da u lou Pe nu fâ vedde ch’u l’è cuntentu Ch’u meu-neuvu u gh’à u finansiamentu Se cunfunde ‘nta confûsiún Cun l’euggiu pin de indignasiún E u ghe cría u ghe cría deré Bagasce sëi e ghe restè [Verse 4] E ti che ti ghe sbraggi apreuvu Mancu ciû u nasu gh’avei de neuvu Bruttu galûsciu de ‘n purtòu de Cristu Nu t’è l’ûnicu ch’u se n’è avvistu Che in mezu a quelle creatûe Che se guagnan u pan da nûe A gh’è a gh’è a gh’è a gh’è A gh’è anche teu muggè [Chorus] A Ciamberlin sûssa belín Ä Fuxe cheusce de sciaccanuxe In Caignàn musse de tersa man E in Puntexellu ghe mustran l’öxellu A Ciamberlin sûssa belín Ä Fuxe cheusce de sciaccanuxe In Caignàn musse de tersa man E in Puntexellu ghe mustran l’öxellu