Fabrizio De Andr — Monti Di Mola

[Testo di "Monti Di Mola"] [Verse 1] In li Monti di Mola La manzana Un’aina musteddina era pascendi In li Monti di Mola La manzana Un cioano vantaricciu e moru Era sfraschendi E l’occhi s’intuppesini cilchendi ea ea ea ea E l’ea sguttesi da li muccichili cù li bae ae ae E l’occhi la burricca aia Di lu mare E a iddu da le tive escia Lu Maestrale E idda si tunchiâ abbeddulata ea ea ea ea Iddu le rispundia linghitontu ae ae ae ae [Verse 2] “Oh bedda mea L’aina luna La bedda mea Capitale di lana Oh bedda mea Bianca foltuna” “Oh beddu meu L’occhi mi bruxi Lu beddu meu Carrasciale di baxi Lu beddu meu Lu core mi cuxi” [Verse 3] Amori mannu Di prima ‘olta L’aba si suggi tuttu lu meli di chista multa Amori steddu Di tutti l’ori di petralana lu battadolu Di chistu cori [Verse 4] Ma nudda si po’ fâ nudda In Gaddura Che no lu énini a sapi Int’un’ora E ‘nfattu una ‘ecchia infrasconata fea ea ea ea Piagnendi e figgiulendi si dicia cù li bae ae ae [Verse 5] “Beata idda Ùai che bedd’omu Beata idda Cioanu e moru Beata idda Sola mi moru Beata idda Ià me l’ammentu Beata idda Più d’una ‘olta Beata idda ‘ezzaia tolta” [Verse 6] Amori mannu Di prima ‘olta L’aba si suggi tuttu lu meli di chista multa Amori steddu Di tutti l’ori di petralana lu battadolu Di chistu cori [Verse 7] E lu paese intreu s’agghindesi Pa’ la coiu Lu parracu mattessi intresi In lu soiu Ma a cuiuassi no riscisini L’aina e l’omu Chè da li documenti escisini Fratili in primu [Verse 8] E idda si tunchiâ abbeddulata ea ea ea ea Iddu le rispundia linghitontu ae ae ae ae