John Agard — Half-Caste

Excuse me Standing on one leg I'm half-caste Explain yuself Wha yu mean When yu say half-caste Yu mean when picasso Mix red an green Is a half-caste canvas? Explain yuself Wha u mean When yu say half-caste Yu mean when light an shadow Mix in de sky Is a half-caste weather?? Well in dat case England weather Nearly always half-caste In fact some o dem cloud Half-caste till dem overcast So spiteful dem dont want de sun pass Ah rass Explain yuself Wha yu mean When yu say half-caste? Yu mean tchaikovsky Sit down at dah piano An mix a black key Wid a white key Is a half-caste symphony? Explain yuself Wha yu mean Ah listening to yu wid de keen Half of mih ear Ah looking at u wid de keen Half of mih eye And when I'm introduced to yu I'm sure you'll understand Why I offer yu half-a-hand An when I sleep at night I close half-a-eye Consequently when I dream I dream half-a-dream An when moon begin to glow I half-caste human being Cast half-a-shadow But yu come back tomorrow Wid de whole of yu eye An de whole of yu ear And de whole of yu mind An I will tell yu De other half Of my story


Other John Agard songs:
all John Agard songs all songs from 1996